Gobernu Komisioa

Eraketa: Gobernu Komisioko kideak Debabarrena Eskualdeko Mankomunitatea osatzen duten udalak beste dira, kide bat egongo delarik udal bakoitzeko.

Udal bakoitzeko ordezkariek izendatu behar dituzte eta Batzar Orokorrak berretsiko du haien izendapena.

Debabarrena Eskualdeko Mankomunitatearen zerbitzuen kudeaketa eta administrazioa zuzentzeko eta indartzeko helburua duten planak eta programak onestea.
Debabarrena Eskualdeko Mankomunitatearen aurrekontua nola gauzatu garatzea, aurrekontuan aipatzen diren gastuak erabakiz; gastu horiek 3.000 eurotik gorakoak izango dira eta ez dira diru-sarreren %4tik gorakoak izango, hornidurei eta zerbitzuei dagokienez, ezta %10etik gorakoak ere, obrei dagokienez.
Lan publikoko eskaintzatik ondorioztatutako deialdiak egitea, Batzar Orokorrak funtzionarioak eta langileak hautatzeko eta kontratatzeko onetsi dituen oinarriekin bat etorrita.
Debabarrena Eskualdeko Mankomunitaterako lan egiten duten langileak kontratatzea eta kaleratzea.
Debabarrena Eskualdeko Mankomunitateko langileei bideratzen zaizkien diziplina espedienteak ebaztea edo zehatzea, eta langile horiei sariak ematea.
Debabarrena Eskualdeko Mankomunitateko langileen administrazio-egoerak aitortzea.
Debabarrena Eskualdeko Mankomunitateko langileei produktibitate-osagarriak eta haborokinak ematea banan-banan.
3.000 eurotik gorakoak ez diren ondasun higigarriak besterentzea. Diru-kopuruak kontsumoko prezioen indizearen aldaketen arabera eguneratu ahal izango dira.
Gainerako gobernu-organoei esleitu ez zaien beste edozein eskuduntza edo gobernu-organoek Gobernu Komisioari esleitu nahi dizkioten gainerakoak.