Mankomunitateak txartelak banatzeko epea luzatu eta biohondakinen edukiontziaren itxiera martxoaren 31ra arte atzeratu du Eibarren

2025ko martxoaren 26a

Martxoaren 10ean txartelak banatzen hasi zirenetik martxoaren 20rarte, aurreikusitako 13.414 txarteletatik 9.880 banatu dira, hau da, txartel guztien % 73,65. Zehazki, 7.127 txartel etxeetan banatu dira eta 2.753 txartel Untzagako nagusien-etxeko bulegoetan.

Oraindik egin ez duten herritarrek txartelak jaso ahal izan ditzaten, Mankomunitateak Untzagako erretiratuen etxean banaketa egunak luzatzea erabaki du, martxoaren 24tik 28ra, 10:00etatik 14:00etara eta 17:00etatik 20:00etara.

Banaketa ahalik eta modu eraginkorrenean egiteko, Mankomunitateak zerbitzua langile propioekin indartu du, eta, horri esker, prozesua arindu eta txartelak emateko eraginkortasuna hobetu da. Neurri horri esker, bilketa hobetzen joan da, sistema arinago eta ordenatuago baterantz.

Hondakinen bereizketa zuzenaren arabera tasa bereizi bat ezarriko denez, funtsezkoa da herritar guztiek txartela izatea. Beraz, txartela oraindik jaso ez dutenei eskatzen zaie, mesedez, txartela jasotzeko gaitutako bulegoetara hurbiltzeko, hondakinak behar bezala bereizi eta dagokion edukiontzian uzteko.

Ondorioz, eta herritarrek txartela jasotzeko egun gehiago izan ditzaten, biohondakinen edukiontziaren itxiera martxoaren 31ra arte atzeratzen da.

Mankomunitateak badaki prozesu horretan herritar batzuek eragozpenak izan dituztela. Herritarrek erakutsitako pazientzia eskertzen dugu.

Neurri gehigarri gisa, Mankomunitateak Batzar Orokorrean proposatuko du, martxoaren 26an egingo den bileran, 2025eko uztailaren 1era atzeratzea tasa bereizia aplikazioa . Erabaki horri esker, denbora gehiago izango dute etxe guztiek hondakinak bereizteko sistema berrira egokitzeko.

Edukiontzi marroia txartelaren bidez ireki eta bidezko tasa aplikatuta, Mankomunitateak gaikako bilketa orokorraren emaitzak hobetzea espero du, baita bildutako biohondakinen kantitatea eta kalitatea ere.

Benetan estimatzen dugu guztion lankidetza gure ingurunea hobetzen jarraitzeko.

Puntu morea