Europak ezarritako helburua gainditu du hondakinen gaikako bilketak Debabarrena Eskualdeko Mankomunitatean, eta % 52,69ra iritsi da
2018/09/17
Debabarreneko Mankomunitateak gaikako bilketako bere ehunekoak hobetzen jarraitu du 2018ko lehenengo 6 hilabeteetan eta % 52,69ra iritsi da, 2,69 puntuan gaindituz 2020rako Europak ezarritako helburua. Datuak udalerrien arabera aztertzen baditugu, Mutrikuk, Debak eta Eibarrek lortzen dituzte emaitza onenak, % 66,07arekin, % 61,12arekin eta % 56,02arekin, hurrenez hurren. Hiru kasu horietan, mankomunitatearen baztezbestekoaren gainetik dago ehunekoa. Datu esanguratsu gisa, azpimarratzekoa da Debabarrena Eskualdeko Mankomunitatea 2013. urteko % 29,62ko gaikako bilketatik 2018ko ekaineko % 52,69ra igaro dela.
Debabarrena eskualdeko mankomunitateak eta Ecoembes-ek udaletarako birziklatze-proiektu bat jarri dute martxan
2018/07/17
Debabarrena Eskualdeko Mankomunitateak eta Ecoembesek ontzi arinak eta papera eta kartoia biltzeko proiektu bat jarri dute martxan, Mankomunitateko Udal guztientzat.
Birziklatzean aurrera egiten jarraitzeko eta errefusa gutxitzeko gida bat
2018/06/11
Kontsumo jasangarriaren gidaren helburu nagusia Debabarrena eskualdeko pertsonei kontsumo eta erosketa jasangarriagoak errazten dituzten jarraibideak, praktika egokiak eta tresnak ezartzen laguntzea da. Kontsumo-arloko jardunbide egokiak intzidentzia handia du sortutako hondakin-ehunekoetan eta, horrenbestez, birziklatze-ehunekoetan. Gainera, lagungarria da mugatuak diren eta kontsumorako baliagarriak izan daitezkeen baliabideak alferrik ez xahutzeko.
Tamaina handiko hondakinen birziklatzea eta garbiguneen erabilera hobetzeko informazio liburuxka bat.
2018/06/07
Tamaina handiko hondakinen kudeaketa egoki batek eragin handia du euren birziklatzean, eta gainera kaleak garbi edukitzen laguntzen du. Horregatik, eta tamaina handiko hondakinen birziklatzea hobetzeko, Debabarreneko Mankomunitateak informazio-liburuxka baten 34.000 ale baino gehiago banatu ditu gogorarazteko badela doako bilketa-zerbitzu bat edukiontzietan sartu ezin diren hondakin guztientzat. Mankomunitateko presidente Arcadio Benítezek zera adierazi du: "Garbiguneek ez dute beste ezein bilketa motarik ordeztuko. Aitzitik, Mankomunitateko birziklatze-politikak indartzea eta herritarrek zeregin horretan parte hartzeko aukera erraztea dute helburu".
