Albisteak
Debabarrenak komunitate osora zabalduko du edukiontzi bidezko bilketa, eta sistema hobetuko du edukiontzi grisarekin
Debak eta Mutrikuk ere materia organikoaren gaikako bilketa egingo dute, eta birziklatu ezin diren hondakinetarako edukiontzi grisa izango duten Mankomunitateko lehen udalerriak izango dira. Edukiontzi gris hori Mankomunitate osoan ezarriko da 2017. urtean.
Mankomunitateak onartu du Eibarko zaborren tasa % 5,8 igotzea, bilketa- eta birziklatze-sistemak hobetzeko
Funtsean, gaikako bilketa hobetzeko eta birziklatze-tasak handitzeko inbertsio eta zerbitzuak areagotu izanak eragin du tasa igo beharra. 2020rako Europar Batasunak alor horretan ezarritako helburuak gainditzea da helburua. Zehazki, 2017rako honako hobekuntza hauek aurreikusi dira: batetik, txipdun edukiontzi grisa ezartzea, eta, bestetik, papera eta kartoiaren eta ontzien bilketen maiztasuna handitzea.
Gaikako bilketak hobetzen jarraitzen du Debabarreneko mankomunitatean eta % 39,66 izatera iritsi da
Debabarreneko Mankomunitateko gaikako bilketaren portzentajeek hobetzen jarraitzen dute eta % 39,66 izatera iritsi dira; izan ere, 2014an lortutako datua (% 35,77) baino portzentajezko ia lau puntu gorago daude. Emaitza hoberenak Eibar (% 43,23), Elgoibar (% 43,28) eta Mallabia (% 44,27) udalerrietan lortu dira, Gipuzkoako gaikako bilketaren batez bestekoa gainditzen baita hiru udalerri horietan (%42,3) eta 2020. urterako derrigorrean bete behar den helburu gisa Europak ezartzen duen % 50etik zazpi puntu baino gutxiagora baitaude.
Debabarrenean zaborraren tasak igo egin behar izan dira azpiegitura-gabeziaren ondorioz
Joan den legegintzaldian Hondakin Planean aurreikusitako azpiegiturak geldiarazteko hartutako erabakiak GHKn eragindako defizita dela-eta, % 20 igo behar izan da orain arte zaborren tratamendurako aplikatu den tarifa, eta materia organikoaren gaikako bilketa bultzatzeko diru-laguntzak murriztu behar izan dira.
Mankomunitate-Badesa ofizinetako egun baliogabeak
Dokumentuen erregistro orokorrari dagokionez, egun baliogabeen zerrenda.
Debabarrena eskualdeko mankomunitateak prebentzioaren europako astearekin bat egin du
Debabarrena Eskualdeko Mankomunitateak bat egin du Prebentzioaren Europako Astearekin, hondakin-sorkuntza saihesteko aholkuak ematen dituen kanpaina batekin. Kanpaina gaur (azaroaren 23a, astelehena) hasiko da, Radio Eibarren (SER) eta Arrate Irratian iragarkiak txertatuz, eta ostegunera arte (azaroaren 27a) iraungo du. Hautatu diren mezuek prebentzioak hondakin-sorkuntza murrizteko duen garrantzia azpimarratuko dute, eta gomendatuko dute ontziratu gabeko (solteko) produktuak kontsumitzea, edota ontziratutako produktuak eskuratuz gero ontzi horiek beti familia-tamainakoak izatea. Ildo beretik, iragarkiek proposatzen dute erosketa egiten denean erabili eta botatzeko plastikozko poltsarik ez erabiltzea, eta alternatiba gisa orga edo oihalezko poltsa bat erabiltzea. Azkenik, postontzietan sartzen den propaganda mugatzea gomendatzen da, paper-kontsumoa murrizteko.
5. Edukiontzia modu erregularrean erabiltzen bada, ez dago arazorik edukiontzia 20 aldiz erabiltzera iristeko eta, era horretan, tasaren deskontua baliatzeko
Debabarrena Mankomunitateak iragarri du 2015ean tarifa osoa (deskonturik gabe) aplikatuko zaiela, udal-ordenantzek xedatzen duten moduan, 2015eko urtarriletik irailera bitarte 5. edukiontzia 20 aldiz erabiltzera iritsi ez diren Eibarko erabiltzaileei, eta iragarpen horrek argitu beharreko zenbait zalantza sortu ditu.
Eibarko familien % 75ek 20 aldiz baino gehiagotan erabili du biohondakinen edukiontzia 2015eko lehen bederatzi hilabeteetan
2015eko lehen bederatzi hilabeteetan, urtarriletik irailera alegia, materia organikoaren gaikako bilketan izena eman duten Eibarko familien % 74.15ek 20 aldiz baino gehiagotan erabili du 5. edukiontzia, eta udal-ordenantzaren arabera horixe da gutxieneko maila zabor-bilketaren tasan deskontua jaso ahal izateko. Zehazki, izena emandako 10.828 familietatik 8.030 familiak gainditu dute 20 erabilerako gutxieneko maila, 2.712k ez dute eskatutako parte-hartze maila lortu, eta beste 115 betebehar horretatik kanpo geratu dira, etxebizitzak hutsik daudela egiaztatu dugulako.
Debabarrena app berria erabilgarri dago android telefonoetarako eta mankomunitatearen Webgunean
Aplikazio horren bitartez iruzkinak eta iradokizunak eginez parte hartu ahal izango da, birziklapen-gida osatu baterako sarbidea ematen du eta mankomunitateko zerbitzuei buruzko informazioa ematen du. Aurreikusi da Iphonerako bertsioa hilabete honen amaierarako egongo dela erabilgarri Applestoren. Arcadio Benítezek: “Funtsezkoa da herritarrei parte hartzeko aukera ematea kontzientziazioa handiagoa izateko eta gaikako bilketaren emaitzak hobetzeko”.
Debabarreneko mankomunitateak partaidetza eta birziklapen 2.0 proiektua aurkeztu du
Proiektu honekin teknologia berriak erabiliz komunikazio- eta partaidetza-bideak hobetu nahi dira; app bat jarriko da martxan, birziklapen digitaleko gida batekin, herritarrekin komunikazio zuzena izateko eta haien partaidetza sustatzeko. Arcadio Benítez: “teknologia berriak erabiltzea funtsezkoa da kontzientziazioa areagotzeko eta gaikako bilketaren % 60ko helburua lortzeko”
San Markosek eta Debabarrenak GHK-ri eta Eh Bilduri leporatu diete azken okrduko maniobra bat egin dutela zabortegien eredu zaharkituari eusteko
Salatu dutenez, GHK partzuergoak formalki uko egin die bai ingurumen-baimen integratuari bai erraustegiko jarduera-lizentziari, Partzuergoaren Batzarraren onarpena jaso gabe Denis Itxasok: “EH-Bilduk egundoko kaltea eragin nahi dio lurraldeari, konpondu ezinezko kaltea, dena lotuta eta ondo lotuta uzteko”” Arcadio Benítezek: “Legegintzaldi oso bat eman dute ezer egin gabe, eta orain Gipuzkoako etorkizuna ere kolokan jarri nahi dute. Sekulako iruzurra da”
Debabarreneko mankomunitatearen ustez, Deban egindako kontsultari esker, edukiontzien sistema behin betiko bermatuta geratu da eta helburu gisa ezarri da gaikako bilketari dagokionez % 60ra iristea
Igandean Deban egin zen kontsultaren emaitzaren ondoren, Debabarreneko mankomunitatearen iritziz, itxi egin da bilketa-sistemari buruzko eztabaida-zikloa, egindako kontsultan parte hartu zutenen % 80k baino gehiagok adierazi baitzuten edukiontzi-sistemaren alde zeudela. Arcadio Benítez: “Materia organikoaren edukiontzia udalerri guztietara hedatuz eta herritarrek biohondakinen bilketan parte hartuz zalantzarik gabe lortu ahal izango da % 60ko helburua”.
Debabarreneko mankomunitateak “helburua: 60” kontzientziazio kanpaina abiarazi du parte-hartzea areagotzeko eta gaikako bilketa % 60ra irits dadin 2016. urtean.
Debabarreneko mankomunitateak kontzientziazioko eta sentsibilizazioko programak indartuko ditu helburu oso zehatz bati jarraiki: gaikako bilketan % 60ra iristea. 2012. urtetik 2014. urtera bitarte asko aurreratu dugu, mankomunitatearen batez bestekoa % 22tik % 35,7ra igo baita